बैशाख २, काठमाडौं । आज बसेको मन्त्रिपरिषद् बैठकले लकडाउनको अवधि थप गर्ने निर्णय गरेको छ । कोरोना भाइरस संक्रमित भेटिने क्रम नरोकिएपछि सरकारले वैशाख १५ गते सम्मका लागि लकडाउनको अवधि थप गर्ने निर्णय गरेको हो ।
सरकारले चैत ११ गते चैत १८ गतेसम्मका लागि लकडाउनको घोषणा गरेको थियो । त्यसपछि फेरि चैत २५ गतेसम्मका लागि लकडाउन गरेकोमा तेस्रो चोटी समय थप्दै वैशाख ३ गतेसम्मका लागि लकडाउन तोकेको थियो । अहिले फेरि चौथो पटक १२ दिनको लागि लकडाउन थप गरेको छ ।
