कात्तिक ९, काठमाडौं । निर्वाचन आयोगले समानुपातिक निर्वाचन प्रणालीतर्फ बन्दसूचीमा रहेका उम्मेदवारको नाम सार्वजनिक गरेको छ । प्रतिनिधिसभा र प्रदेशसभाको समानुपातिकतर्फ ६ हजार ४ सय ५७ जना बन्दसूचीमा रहेकोमा आयोगले हिजो ५५० जनालाई हटाएपछि बाँकी रहेका ५ हजार ९०७ जनाको अन्तिम नाम सार्वजनिक गरेको हो ।
स्थानीय तहको निर्वाचनमा पनि उम्मेदवार भएर खर्चको विवरण पेस नगरेपछि जरिवाना नबुझाउने ३६९ जनासहित दाबी विरोध उपर जाँचबुझबाट गरी ५४८ जना, पदमा बहाल रहेका एक जना र कालोसूचीमा रहेका एक जना गरी कुल ५५० जना व्यक्तिको नाम सम्बन्धित दलले पेस गरेको बन्दसूचीबाट हटाउने निर्णय आयोगले गरेको थियो ।
Pardesh-1-FinalClosedListAllparty_SA_1
