साउन २५, काठमाडौं । नेपाली राष्ट्रिय क्रिकेट टोलीको ओडीआई कप्तानमा लेग स्पिनर सन्दीप लामिछाने नियुक्त भएका छन्। नेपाल क्रिकेट संघ (क्यान) ले रोहित पौडेललाई हटाउँदै सन्दीपलाई ओडीआईको कप्तान बनाउने निर्णय गरेको हो।
सन्दीप करिब चार वर्षपछि पुनः नेपाली टोलीको कप्तानीमा फर्किएका हुन्। उनले यसअघि सन् २०२२ मा नेपाली ओडीआई टोलीको कप्तानी गरेका थिए। अब उनले मलेसियामा हुने एसीसी मेन्स प्रिमियर कपबाट पुनः ओडीआई कप्तानको जिम्मेवारी सम्हाल्नेछन्।
कप्तान परिवर्तनसँगै रोहित पौडेलले ओडीआई कप्तानी गुमाएका छन्। यसअघि नै क्यानले दीपेन्द्रसिंह ऐरीलाई टी–२० अन्तर्राष्ट्रिय टोलीको कप्तान नियुक्त गरिसकेको छ।
विश्वकप लिग–२ मा नेपालको पछिल्लो प्रदर्शन अपेक्षाअनुसार हुन नसकेपछि क्यानले नेतृत्व परिवर्तन गरेको हो। सन्दीपको नेतृत्वमा नेपालले अब नयाँ चुनौतीका रूपमा एसीसी प्रिमियर कपमा प्रतिस्पर्धा गर्नेछ।
