पौष ४ , नवलपरासी । अख्तियार दुरूपयोग अनुसन्धान आयोगले नवलपरासी रामग्राम नगरपालिका-१८ का वडाध्यक्ष दुई लाख घुस रकमसहित पक्राउ परेका छन् ।
अध्यक्ष गोपाल डिस्वा मगर र लेखनदास रवीन्द्र यादवले कार्यालयबाट सिफारिस दिने प्रायोजनार्थ दुई लाख घुस माग गरेका थिए । सोही सूचनाका आधारमा अख्तियारको बुटवलको टोलीले बिहीबार दुवैलाई नियन्त्रणमा लिएको आयोगले जनाएको छ ।
उनीहरूलाई आयोगले सोही वडामा रहेको होली चाइल्ड स्कुल नजिकबाट पक्राउ गरेको हो । पक्राउ गरी आयोगले थप अनुसन्धान गरिरहेको छ ।
