 आज बेइजिङ समीक्षाका लागि राष्ट्रिय सञ्जाल नेपालले ललितपुरमा बिहीबारदेखि सुरु गरेको दुइदिने राष्ट्रिय परामर्श कार्यशाला गोष्ठीको उद्घाटन गर्दै मन्त्री थापाले हरेक क्षेत्रमा पुरुष जत्तिकै महिलाको सहभागिता बढाउन अझै संघर्षको खाँचो रहेको बताउनुभयो ।
संविधानको मौलिक हकमा महिलालाई अंश र वंशको समान हक प्रदान गरेको बताउदै उनले अब सहभागिताको सन्दर्भमा पनि समान व्यवस्था कायम गर्नुपर्ने आवश्यकता रहेको बताउनुभयो । मन्त्री थापाले विक्रम संवत २०६२/०६३ को परिवर्तनपछि महिला अधिकारको सवालमा उपलब्धीहरु हात पर्दै गएको भन्दै अब हरेक क्षेत्रमा समान सहभागिताका लागि अन्तिम संघर्षको खाँचो रहेको बताउनुभयो । मन्त्री थममाया थापाले नेपाली महिलाले हासिल गरेको उपलब्धीको श्रेय राष्ट्रिय अन्तर्राष्ट्रिय क्षेत्रमा महिलाले गरेको आन्दोलनलाई जाने बताउनुभएको छ । बेइजिङ्ग समिक्षाका लागि राष्ट्रिय सञ्जाल नेपाल –(एनएनवीएन) द्वारा विहीवार राजधानीमा आयोजित ‘बेईजिङ्ग प्लस २५ समिक्षा विषयक कार्यक्रमलाई सम्वोधन गर्दै मन्त्री थापाले सो कुरा बताउनुभएको हो ।
चीनको राजधानी बेईजिङ्गमा २५ वर्षअगाडि भएको चौथो अन्तर्राष्ट्रिय महिला सम्मेलनले महिला विरूद्ध हुने हिंसालगायत सबै प्रकारका भेदभाव हटाउने विषयमा विश्वले रणनीतिक कार्ययोजनासहितको अभियान सञ्चालन गर्ने निर्णय गरेको थियो । मन्त्री थममाया थापाले नेपालको संविधानको मौलिक हकमै समान अधिकारको बुँदा समावेश गरेर नेपालले महिलाको क्षेत्रमा काम गर्दा अत्यन्त राम्रो परिणाम निस्किएको छ भन्नुभयो । उहाँले स्थानीय तहको निर्वाचनबाट ४१ प्रतिसत महिला निर्वाचित हुनु र संसदीय निर्वाचनमा ३३ प्रतिसत महिलाले राजनीतिक क्षेत्रमा सहभागिता जनाउनु भनेको संविधानमै व्यवस्था गरिएकोले सम्भव भएको हो भन्नुभयो । कार्यक्रममा महिला कानुन र विकास मञ्चका कार्यकारी निर्देशक सविन श्रेष्ठले सोही सम्मेलनले समानताको अभियान विश्वभर सञ्चालन गर्न उत्प्रेरित गरेको २५ वर्ष पुगेको अवसरमा नेपालले राष्ट्रिय परामर्श कार्यशाला गोष्ठीको आयोजना गरेर अभियानको समिक्षा गरिरहेको बताउनुभयो ।
उहाँले जिल्ला, प्रदेशस्तरमा पनि एकल महिला, दलित, यौनिक अल्पसङ्ख्यकलगायत सबै क्षेत्रलाई समेटिने गरी समिक्षात्मक कार्यक्रमको सम्पन्न गरिसकेको जानकारी दिनुभयो । कार्यक्रममा सिड कमिटिका उपाध्यक्ष वन्दना राणाले समानताका सहयात्रीसँग भेट्ने मौका गोष्ठीले सृजना गरेकोमा खुसी व्यक्त गर्नुभयो । चौथो विश्व महिला सम्मेलनमा सहभागी हुँदाको अनुभव साट्दै उहाँले २५ वर्षको दौरानमा नेपालमा महिला अधिकारको क्षेत्रमा धेरै नै परिवर्तन आएको छ भन्नुभयो । साथै नेपालले त्यस अभियान सफल बनाउन प्रजनन स्वास्थ्य तथा अधिकार, यौन शिक्षाको सन्दर्भलगायतका विषयमा काम गर्न वाँकी छन् भन्नुयो । कार्यक्रममा महिला सशक्तिकरणमा योगदान पु¥याउनुभएका अधिकारकर्मी दुर्गा घिमिरे, विना प्रधान र अम्विका श्रेष्ठलाई सम्मान गरिएको थियो । दुई दिनसम्म चल्ने कार्यशालामा महिला र वातावरण, महिला शिक्षा र तालिम, महिला र गरिबी, महिला र संस्थागत संयन्त्रलगायतमा विषयमा छुट्टा छुट्टै सत्रमा छलफल हुने आयोजकले जनाएको छ । विश्वभरका ८० हजार सर्वसाधारण महिलाको सहभागितामा सार्वजनिक उक्त कार्ययोजनाको कार्यान्वयनको सम्वन्धमा अहिले विश्वर बेईजिङ्ग प्लस २५ शीर्षकमा समिक्षा भईरहेको छ ।
|
