मंसिर ५, काठमाडौं । नेपाली कांग्रेसले मुस्ताङबाट जितको खाता खोलेको छ । नेपाली कांग्रेसका उम्मेदवार योगेश गौचन थकाली विजयी भएका हुन् । उनी प्रतिनिधिसभा निर्वाचन २०७९ को पहिलो विजेतासमेत बनेका छन् ।
योगेश ३ हजार ९९२ मतसहित विजयी भएका हुन् । उनले एमालेका प्रेम प्रसाद तुलाचनलाई ९१४ मत अन्तरले हराए ।
योगेश नेपाली कांग्रेसका मुस्ताङ सभापति तथा पूर्वमन्त्री रोमी गौचन थकालीका छोरा हुन् । उनी मुस्ताङका पूर्वजिल्ला कार्यसमिति सचिव तथा हाल गण्डकी प्रदेश कार्यसमितिका कार्यसम्पादन समिति सदस्य योगेश युवा व्यवसायीसमेत हुन् ।
