कार्तिक २०, एजेन्सी । कांग्रेसको भारत जोडो यात्रामा फिल्म ‘केजीएफ–२’ को संगीत प्रयोग गरेको भन्दै कांग्रेस नेता राहुल गान्धीविरुद्ध उजुरी परेको छ । राहुल गान्धी बाहेक कांग्रेस नेता जयराम रमेश र सुप्रिया श्रीनेट विरुद्ध पनि उजुरी परेको छ।
समाचार एजेन्सी पीटीआईका अनुसार कन्नड फिल्म ‘केजीएफ-२’ को संगीत बिना अनुमति प्रयोग गरेको आरोपमा राहुल गान्धी विरुद्ध मुद्दा दर्ता गरिएको छ।
यो उजुरी शुक्रबार बैंगलोरको यशवंतपुर पुलिस स्टेशनमा प्रतिलिपि अधिकार कानून अन्तर्गत गरिएको हो। एमआरटी म्युजिकको व्यवस्थापन सम्हाल्ने एम नवीन कुमारले यस्तो गुनासो गरेका हुन् ।
उजुरीमा भनिएको छ कि जयराम रमेशले आफ्नो आधिकारिक ट्विटर ह्यान्डलबाट दुई भिडियोहरू पोस्ट गरेका थिए जसमा दुई प्रसिद्ध ‘केजीएफ-२’ गीतहरू अनुमति बिना प्रयोग गरिएको छ। यी गीतहरूको संगीत अधिकार एमआरटी म्युजिकसँग छ।
राहुल गान्धी अहिले आफ्नो १५० दिनको ‘भारत जोडो यात्रा’ मा छन्। उनको यो यात्रा दक्षिण भारतबाट सुरु भएर कश्मीरसम्म जानेछ । यस भ्रमणबाट कांग्रेसले आफ्नो राजनीतिक जग बलियो हुने विश्वास लिएको छ ।
