कात्तिक १६, मकवानपुर। मकवानपुरमा १३ वर्षीया बालिकामाथि जबरजस्ती करणी गरेको आरोपमा प्रहरीले २६ वर्षीय एक युवकलाई पक्राउ गरेको छ। पक्राउ पर्नेमा मकवानपुर जिल्लाकै २६ वर्षीय रामशरण भोम्जन रहेका छन्।
प्रहरीका अनुसार सोमबार बिहान करिब १ बजेर ४० मिनेटको समयमा बालिकामाथि जबरजस्ती करणी भएको प्रारम्भिक विवरण प्राप्त भएको छ। घटनामा संलग्न रहेको आरोपमा भोम्जनलाई नियन्त्रणमा लिइएको प्रहरीले जनाएको छ।
पक्राउ परेका युवकलाई आवश्यक अनुसन्धानका लागि प्रहरी नियन्त्रणमा राखिएको छ। घटनाबारे थप अनुसन्धान भइरहेको प्रहरीले जनाएको छ।
प्रहरीका अनुसार पीडित बालिकाको उमेर र पहिचानका कारण उनको नाम, ठेगाना तथा अन्य पहिचान खुल्न सक्ने विवरण गोप्य राखिएको छ।
