• २०८३ मङ्सिर ६ गते शनिवार

विकास निर्माणको नाममा नदीजन्य दोहन, असार १ गतेदेखि उत्खननमा रोक

सागर थापा पढ्न लाग्ने समय : २ मिनेट

जेठ ३०, दाङ । जिल्ला समन्वय समिति दाङले देउखुरी क्षेत्रको राप्ती नदीमा भइरहेको नदीजन्य पदार्थको अनुगमन गरेको छ । समितिले चालु आर्थिक वर्षमा टेन्डर आव्हान मार्फत ठेक्का खोलिएका राप्ती नदी घाटहरुको अनुगमन गरेको छ । अनुगमनका क्रममा ठेक्का परेको स्थानमा चार किल्ला प्रमाणित नभएको र नदीजन्य पदार्थ निकाल्दा मापदण्डभन्दा अत्यधिक गहिराई रहेको पाइएको छ ।

बिकास निर्माणको नाममा राप्तीमा नदीजन्य दोहन व्यापक भए पछी असार १ गतेदेखि बिकासको काम बाहेक सबै उत्खननमा रौक लगाएको छ । आर्थिक वर्ष सकिनै लाग्दा समग्र दाङ जिल्लाभरि नदिजन्य पदार्थ उत्खनन भरहेको छ । सबैभन्दा धेरे देउखुरी क्षेत्रमा र दोस्रोमा दाङको ग्वारखोलामा उत्खनन भएको जिल्ला समन्वय समिति दाङका सभापति जीतेन्द्र मान नेपालीले बताउनुभयो ।

No description available.

जिल्ला समन्वय समितिले देउखुरी क्षेत्रका क्रसर उद्योगहरुको नियमित अनुगमन भइरहेको तर अवैध उत्खनन हुन भने नरोकिएको जनाएको छ । जिल्ला समन्वय समितिका सभापति नेपालीका अनुसार अनुगमन पश्चात संघीय सरकार, प्रदेश सरकार, अख्तियार र सम्बन्धित पालिकालाई जानकारी गराउने तर कारबाही गर्ने काम उनीहरुकै रहेको जनाएका छन ।

दाङको देउखुरी क्षेत्रमा बिहीवार अनुगमन पछि कुनै पनि घाटमा मेसिन प्रयोग गर्न नपाइने भएको छ । जिल्ला समन्वय समिति दाङका सभापति जीतेन्द्रमान नेपाली, उपप्रमुख श्रीधर शर्मा पौडेल, जिल्ला समन्वय अधिकारी सावित्रा पुन थापा, सदस्यहरु जक्तबहादुर बस्नेत, देबीलाल थारु र पत्रकारहरु लगायतको टोलीले अनुगमन गरेको थियो ।

Sharing

प्रतिक्रिया दिनुहोस