मंसिर,२९ धनुषा । मुख्यमन्त्री लालबाबु राउतले धनुषाको क्षीरेश्वरनाथ नगरपालिका- ५ महेन्द्रनगरमा शुक्रबार राति भएको बम बिस्फोटन घटनाका पीडित परिवारलाई भेटेका छन् ।
आज बिहान टोलीसहित घटनास्थल पुगेका प्रदेश- २ का मुख्यमन्त्री राउतले घाइतेहरुको सम्पूर्ण उपचार खर्च प्रदेश सरकारले ब्यहोर्ने र मृतक परिवारलाई प्रतिमृतक राहत रकम समेत उपलब्ध गराउने बताए ।
टोलीमा प्रदेश सभाका सभामुख सरोज यादव, प्रमुख सचेतक शैलेन्द्र यादव, मुख्यन्यायधिवक्ता दिपेन्द्र झा, प्रदेश सभा सद्स्य सिघासन सा कलबार सहितको सहभागिता रहेको थियो । बम बिस्फोट परी प्रहरी निरीक्षकसहित ३ जनाको मृत्यु भएको थियाे । साे घटनामा ४ जना घाइते भएको र उनीहरुको उपचार धरानमा भइरहेको छ ।
