असोज १३, काठमाडौं । पछिल्लो २४ घण्टामा देशका विभिन्न स्थानमा भएका सवारी दुर्घटनामा ७ जनाको मृत्यु भएको छ भने १४१ जना घाइते भएका छन् । नेपाल प्रहरीले दिएको जानकारी अनुसार दुर्घटनामा कोशी प्रदेशमा ३ तथा मधेश प्रदेशमा २ र बागमती र गण्डकी प्रदेशमा एक एक जनाको मृत्यु भएको छ ।
त्यस्तै देशभर भएका दुर्घटनामा १४१ जना घाइते भएका छन् । जस अनुसार मधेश प्रदेशमा ३१ जना घाइते भएका छन् भने कोशीमा २८ जना, काठमाडौँ उपत्यकामा ३४ जना, सुदूरपश्चिममा ८ जना, बागमतीमा १ जना घाइते भएका छन् भने लुम्बिनीमा २६ जना, कर्णालीमा ३ र गण्डकीमा १० जना घाइते भएका छन् ।
