पौष १७ ,पर्सा । कुटपिट गरी श्रीमती हत्या गर्ने श्रीमानलाई प्रहरीले पक्राउ गरेको छ ।
आफ्नै श्रीमती २३ वर्षीया ललिता देवीलाई कुटपिट गरी हत्या गरेको अभियोगमा पर्सागढी नगरपालिका–५ पचरुखा बस्ने २७ वर्षीय देवा महतोलाई आज बिहान पक्राउ गरेको जिल्ला प्रहरी कार्यालय पर्साले जनाएको छ ।
महतोले एक महिना अगाडि कुटपिट गर्दा घाइते भएकी ललिताको नारायणी अस्पतालमा उपचारको क्रममा आज बिहान मृत्यु भएको थियो ।
घटनाको प्रहरीले थप अनुसन्धान गरिरहेको छ ।
