चैत १६, काठमाडौं । मुम्बई इण्डियन्सले जारी आइपिएलमा विजयी शुरुवात गरेको छ । आइतबार राति सम्पन्न खेलमा मुम्बई इण्डियन्सले कोलकोता नाइट राइडर्सलाई ६ विकेटले पराजित गरेको हो ।
कोलकोताले दिएको २२१ रनको लक्ष्य पछाएको मुम्बईले १९.१ ओभरमा ४ विकेट गुमाएर लक्ष्य पुरा गरेको हो ।
मुम्बईको जितमा रयान रिकेलटनले ८१ रन बनाएका थिए भने रोहित शर्माले ७८ रन बनाएका थिए । यसअघि टस हारेर पहिला ब्याटिंग गरेको कोलकोताले २० ओभरमा ४ विकेट गुमाएर २२० रन बनाएको थियो । कोलकोताका लागि कप्तान आजिख्य रहानेले ६७ रन बनाएका थिए भने अंगकृश रघुबंशीले ५१ रन बनाएका थिए । त्यस्तै फिन एलेनले ३७ र रिंकु सिंहले अविजित ३३ रन बनाएका थिए । त्यस्तै मुम्बईका बलर श्रदुल ठाकुरले ३ विकेट लिएका थिए ।
जारी आइपिएल अन्तर्गत अब सोमबार राजस्थान रोयल्स र चेन्नई सुपर किंग्सबीच हुने छ ।
