कात्तिक ११, काठमाडौं । १७ वर्षमुनिको एएफसी एशियन कप छनोटको अन्तिम खेलमा नेपालले आज मङ्गोलियासँग खेल्दैछ । नेपाल र मङ्गोलियाबीचको खेल राति साढे ८ बजे कतारको हमाद बीन खालिफा स्टेडियममा शुरु हुनेछ ।
पहिलो खेलमा जापानसँग ९–२ र दोस्रो खेलमा कतारसँग ५–० गोलले पराजित भएको नेपाल एशियन कपमा छनोट हुन असफल भइसकेको छ । मङ्गोलिया पनि छनोट हुन सकेन । यो समूहबाट जापान र आयोजक कतार एशियन कपमा छनोट भएका छन् ।
