पुष,७ नवलपरासी । गैंडाकोट प्रहरीको प्रो एक्टिभ पुलिसिङले पेशेवर लुटेराहरु रंगेहात पक्राउ परेका छन्। पेस्तोल देखाएर गहना लुटेर भाग्दा भाग्दै तीन जनालाई प्रहरीले पक्राउ गर्न सफल भएको हो।
सोमबार पूर्वी नवलपरासीको गैंडाकोटमा तीन जनाले गैंडाकोट नगरपालिका–१६ अमरापुरीस्थित पसलमा बसिरहेकी ४७ वर्षीया महिलाको सुनको सिक्री लुटेर भागेका थिए। उनीहरुलाई स्थानीयको सहयोगमा प्रहरीले तत्कालै पक्राउ गरेको हो।इप्रका गैंडाकोटकी इन्सपेक्टर लक्ष्मी पाण्डे नेतृत्वको टोलीले लुटेरालाई पक्राउ गरेको हो।
पक्राउ पर्नेहरुमा नवलपरासी पश्चिम रुपौलिया गाउँपालिका–१ बस्ने २२ वर्षीय राम बहादुर क्षेत्री, गैँडाकोट नगरपालिका–१४ बस्ने ३४ वर्षीय आशिष सुनार र नवलपरासी पश्चिम सुस्ता गाउँपालिका–९ बस्ने २० वर्षीय संजय गुरुङ रहेका छन्।
