साउन १२, चितवन । मुग्लिन-नारायणगढ सडकखण्डअन्तर्गत मुग्लिन नजिकैको खहरे खोलामा सुख्खा पहिरो खस्दा सडक दुवैतर्फ अवरुद्ध भएको छ । सडक डिभिजन भरतपुरका अनुसार पहिरो हटाउन सम्बन्धित स्थानमा आवश्यक उपकरण परिचालन गरिसकिएको छ । करिब डेढ घण्टाभित्र पहिरो पन्छाएर सवारी आवागमन पुनः सञ्चालन गर्ने तयारी भइरहेको जनाएको छ ।
पहिरोका कारण बाटोमै रोकिएका यात्रु तथा सवारी चालकलाई धैर्यतापूर्वक प्रतीक्षा गर्न सडक डिभिजनले आग्रह गरेको छ । पहिरो हटाउने कार्य तीव्र रूपमा भइरहेकाले अवस्था सामान्य भएपछि सवारी आवागमन पुनः सञ्चालन गरिने जनाइएको छ।
