फागुन १५, काठमाडौं । जारी टी-२० विश्वकप अन्तर्गत आज इङल्याण्ड र न्यूजील्याण्डबीच खेल हुदैछ । विश्वकपको सुपर आठ अन्तर्गत आज हुने इङल्याण्ड र न्यूजील्याण्डबीच खेल श्रीलंकाको कोलम्बोमा नेपाली समय अनुसार साँझ ७: १५ बजेदेखि शुरु हुदैछ ।
इङल्याण्ड जारी विश्वकपको सेमिफाइनलमा पुसिसकेकाले यो खेल न्यूजील्याण्डका लागि महत्वपूर्ण रहेको छ । न्यूजील्याण्डले यो खेल जितेमा सेमिफाइनलमा पुग्ने छ र समुह २ बाट पाकिस्तान बाहिरिने छ ।
तर इङल्याण्डले जितेमा भने न्यूजील्याण्ड र पाकिस्तानको सम्भावना कायम रहने छ । इङल्याण्डले यस विश्वकपमा शानदार प्रदर्शन जारी राख्दै सेमिफाइनलमा पुगिसकेको छ ।
यस समुहबाट श्रीलंका दुवै खेलमा हार बेहोरेर सेमिफाइनलको दौडबाट बाहिरिएको छ ।
