माघ ६, काठमाडौं । नेपाली काँग्रेसले महामन्त्री प्रदीप पौडेललाई काठमाडौं- ५ बाट उम्मेदवार बनाएको छ । कांग्रेस संसदीय बोर्डले पौडेललाई काठमाडौं-५ बाट टिकट दिएको हो ।
पौडेलले अघिल्लो निर्वाचनमा यसै क्षेत्रबाट एमाले नेता ईश्वर पोखरेललाई पराजित गरेका थिए । उनले पोखरेललाई ५ हजार ७९ मत अन्तरले पराजित गरेका थिए । यस पटक पनि पौडेलको प्रतिष्पर्धा पोखरेलसँगै हुने भएको छ । यस क्षेत्रमा रास्पवाले आशिफ शाहलाई र राप्रपाले कमल थापालाई उम्मेदवार बनाएको छ ।
