माघ १३, बुटवल । बुटवलको सुप्रिम सहकारी ठगी प्रकरणमा रुपन्देही जिल्ला अदालतमा जवाफी बहस सकिएको छ । यस मुद्दामा राष्ट्रिय स्वतन्त्र पार्टी (रास्वपा) का सभापति रवि लामिछानेसहितका अभियुक्तहरूको थुनछेक र जवाफी बहस सम्पन्न भएपछि अदालतले आदेश दिने तयारी गरेको छ।
रुपन्देही जिल्ला अदालतका न्यायाधीश प्रल्हादकुमार योगीको इजलासमा बहस भएको हो । स्रोतका अनुसार, जवाफी बहसपछि आजै अदालत आदेश दिनेछ। अदालतले अभियुक्तलाई पुर्पक्षका लागि थुनामा राख्ने, धरौटी लिने, वा सामान्य तारेखमा रिहा गर्ने भन्ने आदेश दिनेछ।
