असार ३२, काठमाडौं । बजारमा फैलिएको हल्लाको विपरीत, नर्वेजियन कम्पनी Norwegian Interkraft Nepal (IKN) ले हाल Butwal Power Company Limited (BPCL) मा जम्मा ५,३८,६८९ कित्ता सेयर रहेको छ ।
यी सेयरहरू सार्वजनिक बजार (secondary market) मा स्वतन्त्र रूपमा खरिदबिक्री गर्न मिल्दैन। Norwegian Interkraft Nepal ले आफ्ना सेयरहरू बिक्री गर्न चाहेमा, सो प्रक्रिया सम्बन्धित निकायहरूको अनुमति लिएर मात्र अगाडि बढ्न सकिन्छ। यसका लागि सर्वप्रथम औद्योगिक विभाग (DOI), कम्पनी रजिष्ट्रारको कार्यालय (OCR) र नेपाल धितोपत्र बोर्ड (SEBON) बाट स्वीकृति लिनु आवश्यक हुन्छ।
विदेशी संस्थाले धारणा गरेका प्रवर्द्धक सेयरहरू सामान्यतया ठूलो संख्यामा (bulk transaction) खरिदबिक्री गरिन्छ। यस्ता कारोबारहरूमा बेच्ने पक्षले प्रायः न्यूनतम १,००,००० कित्ता वा सोभन्दा बढीको सर्त राख्ने गर्छन्। यस्ता सेयरहरू मुख्य रूपमा संस्थागत लगानीकर्ताहरूलाई लक्षित गरिन्छ, व्यक्तिगत लगानीकर्ताहरूलाई होइन।
सबै आवश्यक अनुमतिहरू प्राप्त गरेपछि, यस्ता सेयरहरू लिलामी प्रक्रियामार्फत बिक्री गरिन्छ, जसरी हकप्रद सेयरको लिलामी गरिन्छ। लिलामीमा सबैभन्दा उच्च प्रस्ताव राख्ने व्यक्ति वा संस्था सेयर खरिदका लागि योग्य ठहरिन्छ। लिलामी पश्चात्, Norwegian Interkraft Nepal र सफल बोलकबोलकर्ता बीच सेयर बिक्री सम्झौता गर्नुपर्छ। उक्त सम्झौता पनि DOI, OCR र SEBON मा दर्ता गराई स्वीकृत गरिनु पर्छ।
सवै कानुनी प्रक्रिया पूरा भएपछि, नेपाल स्टक एक्सचेञ्ज (NEPSE) ले एक विशेष कारोबार सञ्झ्याल (special trading window) को माध्यमबाट दुबै पक्षबीच सहमत मूल्यमा सेयर स्थानान्तरणको प्रक्रिया सम्पन्न गराउँछ।
लगानीकर्ताहरूलाई यस्तो off-market bulk transaction ले दोस्रो बजारमा पार्न सक्ने प्रभावहरूको गहिरो विश्लेषण गर्न र प्रमाणित तथ्य तथा सम्पूर्ण नियामक पालना आधारित लगानी निर्णय लिन सुझाव दिइन्छ !
