मंसिर ९, काठमाडौं । सुनको मुल्य आज एकैदिन तोलामा एक हजार सात सय रुपैयाँ बढेको छ । मुल्य बढेर सुन आज तोलाको एक लाख ६७ हजार दुई सय रुपैयाँ पुगेको नेपाल सुनचाँदी व्यवसायी महासङ्घले जनाएको छ ।
यसअघि अस्ति शुक्रवार सुनको मुल्य तोलाको एक लाख ६५ हजार पाँच सय रुपैयाँ रहेको थियो ।
यस्तै आज चाँदीको मुल्य पनि बढेको छ । चाँदी तोलामा २० रुपैयाँले बढेर एक हजार नौ सय ६० रुपैयाँमा कारोबार भइरहेको महासङ्घले जनाएको छ । शुक्रवार चाँदीको मुल्य तोलाको एक हजार नौ सय ४० रुपैयाँ थियो ।
