पुस १७, काठमाडौं । सेयर बजार परिसूचक नेप्से मंगलबार ३० अंकले घटेको छ । पछिल्ला ५ कारोबार दिनदेखि घटिरहेको नेप्से आज ३०.०५ अंक घटेर २०३०.१० विन्दुमा पुगेको छ।
सेन्सेटिभ इण्डेक्स ४.५४ अंक, फ्लोट इण्डेक्स २.१८ अंक र सेन्सेटिभ फ्लोट इण्डेक्स १.५७ अंकले घटेको छ।
कारोबार भने आज ४ अर्ब ४ करोड ४६ लाख रुपैयाँ बराबरको भएको नेप्सेले जनाएको छ ।
आज १३ वटै उपसूचक ऋणात्मक हुँदै बजार नै राताम्मे भएको छ । तर, चिरख्वा हाइड्रोपावर, मृक्तिनाथ कृषि कम्पनी र नेपाल वेयर हाउजिङ्ग कम्पनीको शेयर सकारात्मक सर्किट लेभलमा कारोबार भएको छ ।
