माघ १८, सङ्खुवासभा । सङ्खुवासभामा निर्माणाधीन नौ सय मेगावाटको अरुण तेस्रो जलविद्युत आयोजनाको सुरुङ भत्किँदा एक जनाको मृत्यु भएको छ भने ३ जना घाइते भएका छन् । सुरुङभित्र काम गरिरहँदा एक्कासि भत्किएर सिन्धुपाल्चोकका २० वर्षीय सूर्य गोले तामाङको मृत्यु भएको हो ।
चिचिलाको पुछुवास्थित सुरुङभित्र काम गर्ने क्रममा भत्किदा गोलेको घटनास्थलमै मृत्यु भएको सङ्खुवासभा प्रहरीले जानकारी दिएको छ । घटनामा तिन जना घाइते भएको प्रहरी भनाइ छ ।
