बैशाख २५, तेह्रथुम । तेह्रथुममा यौन दुर्व्यवहार गरेको आरोपमा एकजनालाई प्रहरीले पक्राउ गरेको छ । प्रहरीका अनुसार १५ वर्षीया किशोरीलाई यौन दुर्व्यवहार गरेको आरोपमा लालीगुराँस नगरपलिका–३, मुसाङखेल बस्ने १९ वर्षीय अनिश बस्नेतलाई पक्राउ गरेको हो ।
बस्नेतले ती किशोरीलाई घरनजिकैको बारीमा हातपात गरी यौन दुर्व्यवहार गरेको उजुरीपछि इलाका प्रहरी कार्यालय वसन्तपुरबाट खटिएको प्रहरी टोलीले उनलाई पक्राउ गरी सोधपुछ गरिरहेको जनाएको छ ।
