माघ २०, झापा । झापाको मेची नगरस्थित काँकडभिट्टामा भीषण आगलागी भएको छ । जिल्ला प्रहरी कार्यालय झापाका अनुसार जुत्ता उद्योग एसएस फुटवेयरमा आगलागी भएको हो।
केही बेरअघिबाट सुरु भएको आगलागी मेचीनगर नगरपालिकाको दमकल बिग्रिएकाले नियन्त्रणमा लिन मुस्किल भएको छ । जुत्ता उद्योग एसएस फुटवेयरमा भइरहेको आगलागी नियन्त्रणका लागि भद्रपुर र बिर्तामोडबाट दमकल पठाइएको प्रहरीले जनाएको छ ।
