असार १४, एजेन्सी । १६ औं संस्करणको युरोकप फुटबल अन्तर्गत नकआउट चरणको चौंथो खेलमा अहिले बेल्जियम र पोर्चुगलबीच प्रतिस्पर्धा भईरहेको छ । स्पेनको सेभियामा जारी खेलको पहिलो हाफ सकिदा बेल्जियमले १-० गोलको अग्रता बनाएको छ ।
खेलको ४२ औं मिनेटमा थोमस मुनिएरको पासमा थोर्गन हाजार्डले बक्स बाहिरबाट गोल गर्दै बेल्जियमलाई अग्रता दिलाएका हुन् ।
आज दुबै टिम जित निकाल्दै अन्तिम आठमा पुग्ने लक्ष्यमा रहेका छन् । यस खेलको विजेताले क्वाटरफाइनलमा इटालीसँग खेल्नेछन् ।
