भदौे, १० काठमाडौं। यु १९ पुरुष विश्वकप क्रिकेट प्रतियोगिता खेल्न नेपालले नपाउने भएको छ ।
आईसीसीले यु १९ विश्वकप क्रिकेटका लागि एसिया छनोट रद्द गरेपछि नेपालको खेल्ने सपना तुहिएको हो ।
आईसीसीले बुधबार राति कोरोना महामारीको कारण देखाउँदै एसिया क्षेत्रको छनोट रद्द गरिएको जनाएको हो ।
आईसीसीले अमेरिका र इस्ट एसिया प्यासाफिकको छनोट समेत रद्द भएको जनाएको छ ।
अमेरिका क्षेत्रबाट क्यानडा र इस्ट एसियाबाट पपुवा न्युगिनी विश्वकपका लागि छनोट भएका छन् ।
कोरोना महामारीकै बीचमा पनि युरोप र अफ्रीका क्षेत्रको छनोट आयोजना हुने छ ।
एसिया क्षेत्रबाट पाँच संस्करणको विश्वकप प्रदर्शनका आधारमा युएई छनोट भएको छ ।
छनोट प्रतियोगिता भएको भए नेपालले मलेसिया, ओमान, सिंगापुर र युएईसँग प्रतिस्पर्धा गर्नु पर्ने थियो ।
यी टिममा शीर्ष स्थानमा रहने टिमले नै २०२२ को विश्वकप खेल्ने रोडम्याप रहेको थियो ।
