बैशाख २४, पर्सा । वीरगन्ज महानगरपालिकाकी उपप्रमुख ८८ वर्षीया शान्ति कार्की कोरोना संक्रमित भएकी छन् । १ सय ९२ जनाको स्वास्थ्य परीक्षण गराइएको नारायणी अस्पतालमा उपप्रमुख कार्कीसहित १ सय ५१ जनामा संक्रमण पुष्टि भएको हो ।
नारायणी अस्पतालका अनुसार परीक्षण गराएकामध्ये ९५ पुरुष र ५६ जना महिला संक्रमित छन् । उनीहरूको उमेर समूह ६ वर्षदेखि ८८ वर्षसम्म छ । ८८ वर्षको उमेर समूहमा वीरगन्ज महानगरपालिकाकी उपप्रमुख शान्ति कार्की रहेको बुझिएको छ ।
संक्रमितको सिटी भ्यालु १४ देखि ३४.९ सम्म रहेको अस्पतालले जनाएको छ । उपप्रमुख कार्कीको भने सिटी भ्यालु २८ माथि रहेको उनका स्वकीय सचिव विजय पौडेलले बताए ।
