पौष २२, सर्लाही। सर्लाहीमा नालामा डुबेर एकजना बालकको मृत्यु भएको छ । प्रहरीका अनुसार मंगलबार साँझ घर अगाडिको नालामा डुबेर मलंगवा नगरपालिका वडानम्बर १ भेडहियाका पप्पु मण्डलका २ वर्षीय छोरा बजरंगी मण्डलको मृत्यु भएको हो ।
सिकिस्त भएका बालकलाई उपचारका लागि जिल्ला अस्पताल मलंगवा लग्ने क्रममा बाटोमै मृत्यु भएको प्रहरीले जनाएको छ । मृतकको शवलाई परीक्षणका लागि जिल्ला अस्पतालमै राखिएको जिल्ला प्रहरी कार्यालय सर्लाहीले जनाएको छ ।
