२२जेठ, रोल्पा । पानी धारामा नुहाउन गएका किशोरी माथी हातपात गर्दै जवरजस्ती करणी गर्न खोजेको भन्दै रोल्पाको रुन्टीगढी गाउँपालिकाका इन्जिनियर पक्राउ परेका छन् ।
शुक्रबार दिउँसो धारामा नुहाउन भनी गएका किशोरीलाई दाङ लमही घर भएका गाउँपालिकाका इन्जिनियर शेषमणी पौडेलले हातपात गरी जवरजस्ती करणी गर्न खोजेको पीडित पक्षले उजुरी दिएका छन् । पीतिड पक्षको उजुरीका आधारमा जवरजस्ती करणी उद्योग अन्तरगत पक्राउ गरी अनुसन्धान अगाडि बढाइएको रोल्पाका प्रहरी प्रमुख डिएसपी नवराज सुवेदीले बताए ।
साथै सबै कानुनी प्रक्रिया अगाडि बढाइएको समेत सुवेदीले बताए । किशोरीले नुहाइ रहेको देखेपछि इन्जिनियर पौडेल मिनिरल वाटरको बोटल बोकेर पानी भर्ने निहुँमा धारमा गएर दिनदहाडै धारामा नुहाउँदै गरेका किशोरीलाई जवरजस्ती करण गर्न खोजेको आरोप पीडित पक्षको छ ।
ति किशोरीलाई इन्जिनियरले पहिलेदेखि नै पछ्याउँदै आएका थिए । विभिन्न बाहनामा बल्यकमेलिङ गर्ने गरेको र बेला बेलामा किशोरीको फेसबुक आइडी समेत माग्ने गरेको थिए ।
