फागुन २१, काठमाडौं । चन्द्रागिरि नगरपालिका वडा नं.११ सतुंगलमा हरी स्वास्थ्य केन्द्रको स्थापना गरिएको छ । विशेष कार्यक्रमका बीच बिहिबार च.न.पा. नगर प्रमुख घनश्याम गिरीको प्रमुख आतिथ्यतामा शहरी स्वास्थ्य केन्द्रको उद्घाटन गरिएको हो ।
उक्त अवसरमा नगर प्रमुखले चन्द्रागिरि नगरपालिकाका सबै वडाबासीहरुलाई सरल, सहज र प्रभावकारी स्वास्थ्य सेवा प्रदान गर्न नगरपालिका लागिपरेको बताउनु भयो । नगर प्रवक्ता तथा वडा ११ का वडाध्यक्ष हरिभक्त महर्जनको सभाध्यक्षता सम्पन्न कार्यक्रममा वडा १० का वडाध्यक्ष, नगरपालिकाका प्रमुख प्रशासकीय अधिकृत, अन्य अतिथिहरु, स्वास्थ्य कर्मीहरुका साथै नगरबासीको पनि उपस्थिति रहेको थियो।
