माघ २९,काठमाडौं । प्रमुख प्रतिपक्षी दल नेपाली काँग्रेसले बालुवाटारस्थित ललिता निवासको जग्गा हिनामिना मुद्दामा विपक्षी दललाई मात्रै आरोपित गरेको आरोप लगाईरहेका बेला बरिष्ठ अधिवक्ता बालकृष्ण न्यौपानेले पूर्वप्रधानमन्त्रीहरु माधव कुमार नेपाल र बाबुराम भट्टराई विरुद्ध समेत मुद्दा चलाउनु पर्ने माग गर्दै मुद्दा दायर गरेका हुन् ।
वरिष्ठ अधिवक्ता बालकृष्ण न्यौपानेले ललिता निवासको सरकारी जग्गा व्यक्तिका नाममा पुर्याउने नीतिगत निर्णय नेपाल र भट्टराईका पालामा भएको र उनीहरु दुवै जनालाई अख्तियारले उन्मुक्ति दिएको भन्दै भ्रष्टाचारको मुद्दा चलाउन आदेश माग गर्दै बुधबार रिट दर्ता गरेका हुन्।
अख्तियारले नीतिगत निर्णय भन्दै नेपाल र भट्टराईलाई उन्मुक्ति दिए पनि सो निर्णय कानुन विपरीत भएका कारण आफूले रिट दायर गरेको अधिवक्ता न्यौपानेले प्रतिक्रिया दिएका छन्।
न्यौपानेले दायर गरेको सो रिटको पेशी सर्वोच्चले शुक्रबारलाई तोकेको छ।
