पौष , २२ इलाम । इलाममा मादक पदार्थ सेवन गरी दाजुभाइबीच झगडा हुँदा भाइको मृत्यु भएको छ ।
आइतबार राति दाजु ४८ वर्षीय राम बहादुर रसाईलीको कुटपीटबाट सुर्योदय नगरपालिका-१२ आठघरेका ४६ वर्षीय भाइ हर्क बहादुरको मृत्यु भएको इलाका प्रहरी कार्यालय पशुपतीनगरले जनाएको छ ।
मादक पदार्थ सेवन गरी झगडा हुँदा दाजुले काठको पिर्का प्रहार गरेका थिए । पिर्काले लागेपछि घाइते भएका हर्कबहादुरलाई गाउँमै सामान्य उपचारपछि उनका छोराले घरमा लगेर सुताएका थिए । तर बिहान उनी ओछ्यानमै मृत फेला परेको प्रहरीले जनाएको छ ।
कुटपिट गर्ने रामबहादुर फरार रहेकाले उनको खोजी भइरहेको प्रहरीले जनाएको छ ।
