चैत २१, भक्तपुर । भक्तपुर मध्यपुर ठिमी नगरपालिका वडा नम्बर ३ गठ्ठाघर स्थित सि.भि.एम. विद्यालय पछाडी हनुमन्ते खोलामा बेवारिसे भेट्टिएको मृत महिलाको शब पहिचानका लागि नेपाल प्रहरीले अनुरोध गरेको छ ।
हनुमन्ते खोलामा भेटिएको महिलाको शव पहिचान हुन नसकेकोले विगत १ महिना अवधिमा यहाँहरूको वडा एरियाबाट कोही महिला हराउनु भएको छ भने महानगरीय प्रहरी कार्यालय, रानीपोखरीको हटलाईन नम्बर १०० वा नजिकको प्रहरी कार्यालयमा जानकारी दिई सहयोग गरिदिनुहुन महानगरीय प्रहरी कार्यालय, रानीपोखरीले सबैमा अपिल गरेको हो ।
उक्त महिलाको शव २०७६ चैत १७ गते अन्दाजी दिउँसो पौने पाँच बजे भेटिएको थियो ।
