निरु किरण जि सिको गजल “मेरो भाग्यमा रुन लेखिएको कस्ले देख्छ ?”

• निरु किरण जि सि

सपनाहरु सजाउँदै जिएको कस्ले देख्छ ?
भित्र भित्र जल्दै तड्पिएको कस्ले देख्छ ?

कुरा काट्नेहरुलाई मनपरी बोलिदिए भो
त्यै कारणले मन भाँचिएको कस्ले देख्छ ?

निष्ठुरी भनेर नभन्नु होला मलाई हजुरले
यहाँ म जस्तीले सम्झिएको कस्ले देख्छ ?

धुवाँ या ज्वाला देखिन्न मनको आगोमा
तर भित्र भित्रै सल्किएको कस्ले देख्छ ?

आफन्तले त भन्छन् भाग्यमानी छौ निरु
मेरो भाग्यमा रुन लेखिएको कस्ले देख्छ ?

भक्तपुर

Sharing