असोज १५,काठमाडौं । चन्द्रागिरिमा टिपरको ठक्करबाट एक जनाको मृत्यु भएको छ ।
थानकोटबाट कलङ्की आउँदै गरेको बा २६प ४९०३ नंको मोटरसाइकललाई बा३ख ३८१७ नंको टिपरले ठक्कर दिँदा चितवनका २५ वर्षीय सुनिल अधिकारीको मृत्यु भएको हो ।
दुर्घटनामा ललितपुर महालक्ष्मी नगरपालिका–२ इमाडोलका ४१ वर्षीय टीकाबहादुर बाँनिया गम्भीर घाइते भएका छन् । उनको ओम समाज अस्पताल सतुङ्गलमा उपचार भइरहेको छ ।
मोटरसाइकल बाँनियाले चलाएका थिए । प्रहरीले टिपर चालकलाई नियन्त्रणमा लिएको छ ।
