कात्तिक १९, काठमाडौं । कोरोना भाइरसका कारण रगतको अभाव भइराखेको अवस्थामा तारकेश्वर नगरपालिका वडा नं. ३ मा रहेको तिनपिप्ले टोल विकास संस्थाले आउदो कात्तिक २२ गते शनिबार रक्तदान कार्यक्रम आयोजना गर्न लागेको हो । नेपाल रेडक्रस सोसाइटी बालाजु उपशाखाको सह आयोजनामा रक्तदान कार्यक्रम हुन लागेको हो ।
रगतबिनाको जीवनको कल्पना पनि गर्न नसकिने भएकाले आकस्मिक कारणले अकालमा ज्यान जान लागेको मानिसलाई बचाउने विकल्प रक्तदान भएकाले स्व–इच्छाले रगत दान गर्न तिनपिप्ले टोल विकास संस्थाका अध्यक्ष श्याम प्रसाद गजुरेलले अनुरोध गर्नु भयो । उहाँले कोरोनाका कारण रगत अभाव भएकले हाम्रो सानो प्रयासमा सबैले साथ दिई रक्तदान जस्तो जिवनदान दिने पुन्य कमाउन अनुरोध गर्नुभयो ।
रक्तदान
हरेक दोस्रो सेकेन्डमा कुनै न कुनैलाई रगतको आवश्यकता हुन्छ। तपाईको रगत एक समयमा एकभन्दा अधिक जिन्दगी बचाउनमा सहायता गर्छ। दुर्घटनाग्रस्त, पीडित, अविकसित नानी, जटिल अपरेसनमा सुतेका बिमारीहरूलाई पुरै रगतको आवश्यकता हुन्छ, जहाँ जाँचको पछि तपाईको रगत प्रत्यक्ष रूपमा प्रयोग हुन्छ। मानसिक आघात, रगतको कमी र अन्य शल्य चिकित्साका लागि बिरामीहरूलाई मात्र रातो रगत कणिकाहरूको आवश्यकता हुन्छ जो तपाईको रगतबाट अलग हुन्छ।
रक्तदानका लागि सुझाव
रक्तदान गर्नु भन्दा ३ घण्टा पहिले पौष्टिक भोजन खाने।
रक्तदानको पछि दिइने नाश्तालाई स्वीकार गर्ने किनकि तपाईले त्यो लिन महत्त्वपूर्ण छ। यसको पछि तपाईलाई राम्रो खाना खाने सल्लाह दिइन्छ।
रक्तदानभन्दा पहिले धूम्रपान नगर्ने। रक्तदानको ३ घण्टापछि तपाई धूम्रपान गर्न सक्नु हुन्छ।
यदि ४८ घण्टा पहिले तपाईले एल्कोहल लिनु भएको छ भने तपाई रक्तदान गर्नका लागि योग्य हुनुहुन्न।
रक्तदान किन गर्ने ?
रगत त्यो सजीव द्रव्य हो जसमा पुरै जीवन टिकेको हुन्छ। यसको टण् प्रतिशत द्रव्य र द्धण् प्रतिशत ठोस हुन्छ। द्रव्यलाई प्लाज्मा भनिन्छ जसमा ९० प्रतिशत पानी र १० प्रतिशत पोषक तत्व, हार्मोन इत्यादि हुन्छ र यो भोजन दवाईहरू आदिले धेरै छिटो बनाउँछ। तर रगतको ठोस हिस्सा, जसमा आरबीसी, डब्लूबीसी र प्लेटेलेट हुन्छ , त्यसनाई पुनः बनाउनमा धेरै समय लाग्छ।
