जेठ २७, ओखलढुंगा । ओखलढुंगाको सुनकोशी गाउँपालिका ४ टिपटारका एक युवकलाई प्रहरीले भरुवा बन्दुकसहित पक्राउ गरेको छ । प्रहरीले मानेभज्याङ गाउँपालिका ८ भालुखोलामा भरुवा बन्दुक लुकाई राखेको भन्ने गोप्य सूचनाका आधारमा २६ वर्षीय युवराज राईलाई पक्राउ गरेको हो ।
उनलाई जिल्ला प्रहरी कार्यालय ओखलढुंगा र प्रहरी चौकी हर्कपुरबाट खटिएको प्रहरी टोलीले बन्दुकसहित पक्राउ गरेको हो। उनलाई हातहतियार तथा खरखजना शीर्षकमा मुद्धा चलाई म्याद थप गरिएको प्रहरीले जानकारी दिएको छ ।
