पौष, ५ गुल्मी । गुल्मीमा आगोमा जलेर एक जनाको मृत्यु भएको छ ।
इस्मा गाउँपालिका ३ तोरीपाटामा गोठमा लागेको आगलागीमा परेर ४५ वर्षीय नरबहादुर नेपालीको मृत्यु भएको हो ।
गएराति स्थानीय चिन्ता बहादुर सार्कीको गोठमा आगो लागेको र सोही गोठमा सुतेका नरबहादुरको जलेर मृत्यु भएको हुनसक्ने अनुमान गरिएको जिल्ला प्रहरी कार्यालय गुल्मीले जनाएको छ ।
घटना बारे थप अनुसन्धानको लागि प्रहरी निरीक्षक चुरामणी पुनको टोली घटनास्थलतर्फ प्रस्थान गरेको छ । आगलागीबाट गोठमा रहेका भैंसी र गोरुहरु पनि जलेका छन् ।
