मंसिर १३, काठमाडौं । नेपाली काँग्रेसको केन्द्रीय कार्यसमितिको बैठक फेरी सरेको छ । आइतबार दिउसो २ बजे बस्ने भनिएको केन्द्रीय समितिको बैठक अब सोमबारसम्मका लागि सारिएको केन्द्रीय कार्यालयका मुख्य सचिव कृष्णप्रसाद पौडेलले जानकारी दिएका छन् ।
महाधिवेशन बारेको विवादका कारण असोज २८ देखि जारी काँग्रेसको केन्द्रीय समितिको बैठक अहिलेसम्म अनिर्णित रहेको छ र पटक पटक बैठक सरिरहेको छ ।
हाल सभापति शेरबहादुर देउवाले आफ्नो सक्रियता बढाएपछि सहमति उन्मुख रहेको भनिएपनि फेरी बैठक सारिएको छ । बैठक सोमबार दिउसो २ बजे बस्ने गरि सारिएको पौडेलले जानकारी दिएका छन् ।
