भदौ १०, काठमाडौं । प्रधानमन्त्री केपी शर्मा ओलीले तिजलाई नाचगानको पर्वको रुपमाभन्दा तिज आत्मिक शुद्धता र दाम्पत्य जीवन सुदृढीकरणको उत्सवको रुपमा लिनुपर्ने बताउनुभएको छ ।
तिज पर्वको अवसरमा शुभकामना सन्देश दिनुहुँदै प्रधानमन्त्री ओलीले सो कुरा बताउनुभएको हो । तिजलाई प्राय गीत–नृत्यको पर्वका रूपमा मात्र बुझ्ने गरिएको तर यसको मूल सम्बन्ध व्रत, संयम र आत्म–अनुशासनसँग गहिरो रूपमा जोडिएको उहाँले बताउनुभयो ।
देश विदेशमा रहनुभएका सबै दिदीबहिनीहरुमा उहाँले तिजको अवसरमा शुभकामना व्यक्त गर्नुभएको छ ।
