मंसिर २५, काठमाडौं । संसद् सचिवालयका महासचिव डा. भरतराज गौतमले राजीनामा दिएका छन्। उनले आइतबार राजीनामा दिएका हुन् ।
राष्ट्रपतिको कार्यालय स्रोतका अनुसार उनको राजीनामा स्वीकृत भइसकेको छ ।
संघीय संसद्को महासचिवमा पाण्डेयको नाम सिफारिस
संघीय संसद्को नयाँ महासचिवमा पदमप्रसाद पाण्डेयको नाम सिफारिस भएको छ। प्रतिनिधिसभाका सभामुख देवराज घिमिरे र राष्ट्रियसभाका अध्यक्ष गणेशप्रसाद तिमल्सिनाले राष्ट्रपति रामचन्द्र पौडेलसमक्ष हाल संघीय संसद्का सचिव रहेका पाण्डेयलाई महासचिवका लागि सिफारिस गरेका हुन्।
संघीय ससंद्को सचिव हुनुअघि पाण्डेय महान्यायाधिवक्ताको कार्यालयमा नायव महान्यायधिवक्ता थिए।
