भदौ १४, जनकपुरधाम। रसुवाको भोटेकोशी नदीमा आएको भीषण बाढीमा परी सम्पर्कविहीन भएका धनुषाका १३ जनामध्ये ७ जना सम्पर्कमा आएका छन् । मधेश प्रदेश प्रहरीका अनुसार सम्पर्कविहीनमध्ये दिउंसाेसम्ममा धनुषा जिल्लाकाे सम्पर्कवहिन १३ जना मध्ये ७ जना सम्पर्कमा आएकाे छ ।
मधेश प्रदेश प्रह,श्रका प्रवक्ता एसएसपी प्रभुप्रसाद ढकालले भने धनुषाकाे १३ जना सम्पर्कविहिन थिए । ती मध्ये ७ जना सम्पर्कमा आएकाे तिनीहरूकाे पारिवारिक श्राेतले जानकारी गराएका हुन । उनका अनुसार सम्पर्कविहिन मध्षे जिल्लाका सबैला नगरपालिका २ का लक्ष्मण महताे, हंसपुर नगरपालिका ६ का दयावती देवी यादव, विजयकसमार यादव साेही पालिकाका वडा ९ का सुरेश पंजियार, जनकपुरधाम उपमहानगरपालिका ४ का रितिक झा, विक्रम ठाकुर र जनकपुरधाम ११ का सुशान्त यादव सम्पर्कमा आएका छन् ।
सम्पर्कमा आएका व्यक्तिहरूकाे अवस्था के कस्ताे हाे, कहाँ कुन अवस्थामा हाे बारे हामीलाई जानकारीमा आएकाे छैन पारिवारिक श्राेतले सम्पर्कमा आइसकेकाे भनी प्रहरीमा जानकारी गराएपछि हाम्राे जानकारीमा आएकाे प्रवक्ता ढकालले जनाए ।
प्रदेश प्रहरीले जनाए अनुसार धनुषाका जनकपुरधाम ८ का अजय प्रसाद सिह, सबैला ८ का राहुल गुप्ता, गणेशमान चारनाथ नगरपालिका ३ का परीक्षण ठाकुर, राधादेवी ठाकुर, संगम ठाकुर र साेही पालिकाकाे वडा नम्बर ४ का पुनमकुमारी ठाकुरकाे अवस्था अझै अज्ञातै रहेकाे छ ।
सम्पर्कविहिनहरूकाे घरमा गत तीनदेखि रूवावासीकाे अवस्था छ । उनीहरूले नेपाल सरकारसंग आफ्ना मान्छेकाे अवस्था सार्वजनिक गरि सकुशल उद्धार गरिदिन आग्रह गरेका छन् । मधेश प्रदेशका सम्पर्कविहिन १९२ मध्ये ३० जना सम्पर्कमा आएका हुन भने १६२ जनाकाे अवस्था अझै अज्ञातै रहेकाे छ । प्रहरीका अनुसार सबभन्दा बढी सप्तरीका ४९ जना सम्पर्कविहिन जसमध्ये एकजना मात्रै कन्चनरूप ८ का अजय मरिक सम्पर्कमा आएका हुन ।
यस्तै पर्साका ४० मध्ये २ जना, बाराका २५ मध्ये २ जना, राैतहटका १९ मध्ये ६ जना, सर्लाहीका १९ मध्ये ३ जना, महाेतरीका १७ मध्ये ७ जना र सिरहाका १० मध्ये २ जना मात्रै गरि ३९ जना सम्पर्कमा आएका हुन भने १६२ जनाकाे अवस्था अझै अज्ञातै छ ।
