असोज ४, काठमाडौं । पछिल्लो २४ घण्टामा देशभर भएका विभिन्न सवारी दुर्घटनामा ६ जनाको मृत्यु भएको छ भने १४४ जना घाइते भएका छन्। नेपाल प्रहरीले सार्वजनिक गरेको विवरणअनुसार काठमाडौं उपत्यका, बागमती, कोशी, मधेश, लुम्बिनी र गण्डकी प्रदेशमा एक–एक जनाको मृत्यु भएको हो।
दुर्घटनामा मधेश प्रदेशमा ३६, लुम्बिनीमा ३५, कोशीमा ३२, काठमाडौं उपत्यकामा १९, गण्डकीमा ८, सुदूरपश्चिममा १०, बागमतीमा ३ र कर्णालीमा १ जना घाइते भएका छन्। प्रहरीका अनुसार देशका विभिन्न स्थानमा भएका छुट्टाछुट्टै दुर्घटनामा उनीहरूको मृत्यु तथा घाइते भएको हो।
पछिल्लो २४ घण्टाको तथ्यांकले सडक सुरक्षा र सवारी अनुशासनमा थप सतर्कता आवश्यक देखाएको छ।
