वैशाख ७, काठमाडौं । ‘टोसका’ नामक ठूलो कन्टेनर जहाजलाई अमेरिकी सेनाले नियन्त्रणमा लिएको छ । करिब २९४ मिटर लामो र ३२.५ मिटर चौडाइ भएको यो जहाज चीनबाट इरानतर्फ जाँदै थियो ।
उक्त जहाज अप्रिल १२ मा मलेसियाको क्लाङ बन्दरगाहबाट छुटेको र इरानको अब्बास बन्दरगाहतर्फ गइरहेको बताइएको छ । अमेरिकी सेनाका अनुसार आइतबार करिब ६ घण्टासम्म जहाजका चालकदललाई पटक–पटक चेतावनी दिइएको थियो । वासिङ्टनले घोषणा गरेको नाकाबन्दी उल्लङ्घन गरिरहेको भन्दै जहाज रोकिन आग्रह गरिएको थियो ।
तर जहाज नरोकेपछि अमेरिकी युद्धपोतले तोप प्रहार गर्दै इन्जिन कक्षलाई निशाना बनाएको थियो । त्यसपछि जहाजको गति रोकिन पुगेको र अमेरिकी सैनिक चढेर नियन्त्रणमा लिएको जनाइएको छ । हाल उक्त जहाज अमेरिकी नियन्त्रणमा रहेको बताइएको छ ।
