वैशाख ५, सल्यान । सल्यानको बनगाड कुपिण्डे नगरपालिकास्थित पुथालामा जन्ती बोकेको जिप दुर्घटना हुँदा ३ जनाको मृत्यु भएको छ भने १५ जना घाइते भएका छन्।
कुपिण्डे नगरपालिका–८ बाट कालीमाटीको लक्ष्मीपुरतर्फ जाँदै गरेको लु.प्र.०१००१ ज ०२७१ नम्बरको जिप दुर्घटनामा परेको हो। दुर्घटनामा परी कुपिण्डे–८ का ५० वर्षीय टोपबहादुर थापा, ५० वर्षकै ठगे घर्ती र २९ वर्षीय कर्णबहादुर पुनको ज्यान गएको जिल्ला प्रहरी कार्यालय सल्यानले जनाएको छ।
वडा नम्बर ८ का वडाध्यक्ष कुलबहादुर पुरीका अनुसार जिपमा १८ जना सवार थिए। घाइते १५ जनालाई उद्धार गरी उपचारका लागि सुर्खेतको मेहेलकुना अस्पताल पठाइएको छ।
दुर्घटनाको कारणबारे थप अनुसन्धान भइरहेको प्रहरीले जनाएको छ।
