जेठ १, काठमाडौं । बेल्जियमले सन् २०२६ विश्वकपका लागि अन्तिम २६ सदस्यीय टोली घोषणा गरेको छ । मुख्य प्रशिक्षक रुडी गार्सियाले प्रतियोगिताका लागि आफ्नो अन्तिम टोली सार्वजनिक गरेका हुन् ।
सन् २०१८ को विश्वकपमा तेस्रो स्थान हासिल गर्दै इतिहासकै उत्कृष्ट नतिजा निकालेको बेल्जियम सन् २०२२ मा कतारमा भएको विश्वकपमा भने समूह चरणबाटै बाहिरिएको थियो । त्यसक्रममा बेल्जियम मोरक्कोसँग पराजित भएको थियो भने क्रोएसियासँग गोलरहित बराबरी खेलेको थियो ।
यसपटक बेल्जियम अपेक्षाकृत सहज समूहमा परेको छ । बेल्जियमको समूहमा इजिप्ट, इरान र न्युजिल्यान्ड रहेका छन् । म्यानचेस्टर सिटीका विङ्गर जेरेमी डोकु यसपटक टोलीका सबैभन्दा प्रभावशाली खेलाडीका रूपमा हेरिएका छन् । पछिल्लो समय उनले निरन्तर उत्कृष्ट प्रदर्शनसँगै गोल गर्न पनि थालेपछि उनको लय निकै राम्रो देखिएको छ ।
गोलरक्षकतर्फ थिबाउट कोर्टुवासँगै बलिया वैकल्पिक खेलाडी रहेकाले टोली सन्तुलित देखिएको छ । रियल मड्रिडबाट खेल्ने कोर्टुवा पछिल्लो सिजन चोट समस्याबाट गुज्रिए पनि उनी टोलीका प्रमुख रोजाइ बनेका छन् । मिडफिल्डमा प्रिमियर लिगमा खेलिरहेका अनुभवी खेलाडीहरूको उपस्थितिले बेल्जियमलाई थप मजबुत बनाएको छ ।
तर रक्षापंक्तिलाई भने टोलीको कमजोर पक्षका रूपमा हेरिएको छ । अनुभवी रक्षकहरूको कमी देखिएको अवस्थामा नयाँ पुस्ताका जेनो डेबास्ट र म्याक्सिम डे क्युपरले अपेक्षाअनुसार पर्याप्त खेल समय पाउन नसकेको चर्चा भइरहेको छ ।
बेल्जियमको विश्वकप खेल्ने टिम:
गोलरक्षक
थिबाउट कोर्टुवा (रियल मड्रिड)
सेन्ने लामेन्स (म्यानचेस्टर युनाइटेड)
माइक पेन्डर्स (स्ट्रासबर्ग)
रक्षक
टिमोथी कास्टान्ये (फुलहम)
जेनो डेबास्ट (स्पोर्टिङ सिपी)
म्याक्सिम डे क्युपर (ब्राइटन)
कोनी डे विन्टर (एसी मिलान)
ब्रान्डन मेचेले (क्लब ब्रुग)
थोमस म्युनिएर (लिल)
नाथन न्गोय (लिल)
जोक्विन सेइस (क्लब ब्रुग)
आर्थर थिएट (आइन्ट्राख्ट फ्राङ्कफर्ट)
मिडफिल्डर
केभिन डी ब्रुने (नापोली)
अमाडु ओनाना (एस्टन भिल्ला)
निकोलस रास्किन (रेन्जर्स)
युरी टिलेमान्स (एस्टन भिल्ला)
हान्स भानाकेन (क्लब ब्रुग)
आक्सेल भिट्सेल (जिरोना)
फरवार्ड
चार्ल्स डे केटेलाएर (अटलान्टा)
जेरेमी डोकु (म्यानचेस्टर सिटी)
माटियास फर्नान्डेज पार्दो (लिल)
रोमेलु लुकाकु (नापोली)
डोडी लुकेबाकियो (बेन्फिका)
डिएगो मोरेइरा (स्ट्रासबर्ग)
अलेक्सिस सालेमाकर्स (एसी मिलान)
लियान्ड्रो ट्रोसार्ड (आर्सनल)
