भदौ २९, काठमाडौं । पछिल्लो २४ घण्टामा देशभर भएका विभिन्न सवारी दुर्घटनामा १० जनाको मृत्यु भएको छ भने १६२ जना घाइते भएका छन्। उपलब्ध विवरणअनुसार सबैभन्दा बढी मानवीय क्षति मधेश प्रदेशमा भएको देखिएको छ। मधेशमा सवारी दुर्घटनामा २ जनाको मृत्यु र ५० जना घाइते भएका छन्।
त्यस्तै लुम्बिनी प्रदेशमा ४ जनाको मृत्यु र १८ जना घाइते, कर्णाली प्रदेशमा ३ जनाको मृत्यु र १८ जना घाइते भएका छन्। सुदूरपश्चिम प्रदेशमा १ जनाको मृत्यु र १२ जना घाइते भएका छन्। यसैगरी कोशी प्रदेशमा २२ जना, काठमाडौं उपत्यकामा ११ जना, गण्डकी प्रदेशमा ११ जना र बागमती प्रदेशमा ६ जना घाइते भएको विवरणमा उल्लेख छ।
प्रहरीको तथ्यांकले पछिल्लो २४ घण्टामा देशभर सवारी दुर्घटनाबाट भएको जनधनको क्षति गम्भीर रहेको देखाएको छ। दुर्घटना न्यूनीकरणका लागि सवारी साधनको गति नियन्त्रण, ट्राफिक नियमको पालना र चालक तथा यात्रुको सचेतना आवश्यक देखिएको छ।
