जेठ २५, काठमाडौं ।सिंगापुरमा जारी एशियन गेम्सको क्रिकेटतर्फको छनौट प्रतियोगिताको फाइनलमा आज नेपाल र हङकङ भिड्दै छन् । यस खेलमा नेपालले टस जितेर पहिला बलिङ गर्ने भएको छ । योसँगै हङकङले पहिला ब्याटिंग गर्ने भएको छ ।
यस खेलमा दिपेन्द्र सिंह ऐरी (कप्तान), रोहित पौडेल, आसिफ सेख, कुशल भुर्तेल, सन्दीप जोरा, कुशल मल्ल, लोकेश बम, सोमपाल कामी, सन्दीप लामिछाने, शेर मल्ल र करण केसी खेलिरहेका छन् । सेमिफाइनलमा पुगेका चारै देश नेपाल, हङकङ, ओमान र मलेसिया एशियन गेम्सका लागि छनौट भएका छन् ।
