असोज १७, काठमाडौं । सडक विभागले सडकमा पहिरो वा बाढीका कारण सडक अवरुद्ध भएमा कन्ट्रोल रुम वा जिल्ला प्रशासन कार्यालयमा जानकारी दिन आग्रह गरेको छ । सडक विभागले शुक्रबार सूचना जारी गर्दै सडक अवरुद्ध भएमा विभागको कन्ट्रोल रुमको टोलफ्री नम्बर ९८५१४१६८९३ मा वा जिल्ला प्रशासन कार्यालयमा जानकारी दिन आग्रह गरेको हो ।
साथै बिभागले असोज २० गतेसम्म नागढुंगा मुग्लिङ, मुग्लिङ- नारायाणघाट, विपी हाइवे, अरनिको हाइवे, दाउन्ने सडक लगायतका सडकमा राति यात्रा नगर्न सुझाव दिएको छ ।
यो सडक खण्डमा पहिरोले अवरुद्ध हुनासाथ पहिरो हटाउन आवश्यक संयन्त्रलाई तयारी अवस्थामा राखिएको समेत विभागले जानकारी दिएको छ ।
